高登泰自爆PCLL肥佬

隔牆有耳： 高登泰自爆PCLL肥佬

法律界高登佬石永泰接受商台《雲常開》訪問，自爆考試曾經肥佬。佢話喺英國劍橋讀法律後，1987年返港考PCLL，事前貼晒題目實冇死，卻冇留意當年改制，結果兩條必答題唔識，肥佬收場。佢話結果好震撼，笑稱「但我亦冇一個電話可以打畀人，同人講我爸爸係邊個！」無奈下接受現實，咁啱有人介紹佢到中環一間律師行實習，咪諗住1987至88年呢年返工賺幾千蚊學吓嘢，橫掂一年後已經要去英國讀碩士。 故事卻峯迴路轉，據聞當時港大質疑嗰年點解海外返嚟考PCLL嘅60幾個考生，有成50幾個肥佬？最終決定收番包括石永泰在內嘅一啲學生。佢話本來立志讀工程，後尾數學有啲辳味，讀到冇嘢好讀就讀法律，估唔到竟然係咁樣讀law囉。

李八方